Lavon Volski. World Online Tour Stay home. Акустыка на карантыне

 

Дарагія сяброўкі і паважаныя сябры! Няпростыя часы напаткаў увесь сьвет. За вокнамі вясна і сонейка, хочацца сустрэцца з вамі ў нейкай утульнай залі, пасьпяваць, паразмаўляць, убачыць вашыя вочы… Але, на жаль, у бліжэйшыя часы варта заставацца дома – заўжды, калі гэта магчыма. Дзеля саміх сябе, дзеля блізкіх, дзеля ўрачоў, што знаходзяцца на самым вастрыі вайны.

 

Дзеля гэтага, не чакаючы цудаў, мы перанесьлі ўсе live-канцэрты, заплянаваныя на сакавік-красавік (мы абавязкова іх правядзем!), годна адзначылі 102-годзьдзе БНР у фармаце анлайн. Цяпер хацелася б сустрэцца з суайчыньнікамі, што знаходзяцца зараз у розных кутках сьвету, зладзіўшы своеасаблівы анлайн-тур.

 

У кожную з пазначаных датаў на сваёй старонцы ў Facebook я буду выходзіць у анлайн для пэўнай краіны. Пачатак – а 20:00 па мяйсцовым часе.

 

Чаму не адзін стрым для ўсіх? Хочацца дасягнуць індывідуальнасьці, як у жывых канцэртах. Пагаворым пра тое, што адбываецца ў вас, як вы сябе адчуваеце, правядзем час разам, прасьпяваем акустычна улюбёныя песьні. Уваход вольны!

 

Падтрымаць канцэрты можна тут: https://www.donationalerts.com/r/volski

 

Частку сабраных сродкаў накіруем у падтрымку беларускім медыкам, што без падрыхтоўкі прынялі ўдар на сябе. Справаздачы абавязкова апублікуем.

 

Да сустрэчы!